من الحقائق التي يجب أن تدركها حقيقة "وجعلنا بعضكم لبعض فتنة"، ثم أتبعها القرآن بسؤال "أتصبرون"؟
فطبيعي تلاقي ناس ظالمين ومفسدين وكذابين وأفاقين وخونة، طبيعي يكون في ناس مجرمين وتلاقي معاهم فلوس ومنصب وجاه..ليه كل ده؟
الاجابة هي "وجعلنا بعضكم لبعض فتنة"، "أتصبرون"؟
أصل لو كل الناس صادقة وكويسة وعادلة وممتازة..هيبقى فين الاختبار والتمييز؟
زمان كان لازم يكون في أبولهب وأبوجهل علشان يظهر أبو بكر وبلال وعمار.
ودلوقتي لازم يكون في شوية الأفاقين دول علشان تشوف نفسك هتبقى مع مين وتجاوب على واحد من أهم الاسئلة في حياتك.."أتصبرون"؟
وروعة ختام الآية "وكان ربك بصيرا"...ربنا شايف كل حاجة!
.
اقرها كلها كده هتفهمها "وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ وَكَانَ رَبُّكَ بَصِيرًا".