انا الحمدلله ان ربنا من عليا بان مهما كنت بعملا لذنب او حتى لو كنت مقيم عليه ليل نهار 

عمري مبقدر انكر او ابرر ذنب انا بعمله 

او اقول مالناس كلها لتعمل كدا لمجرد انى مش عارف ابطله 

فنا الحمدلله من قبل منزل البوست دا عارف ان الهحكيه حرام بشكل قطعى لا يقبل الجدال 

ولكن الكلام اللهقوله دلوقتي لغرض انى عاوز حد يساعدنى ابعد 

ازاى عن الطريق بدون اى خسائر نفسية 

انا طالب جامعي فى الفرقة التانية باحدى الجامعات الل ليها اكتر من فىع على مستوى الجمهورية 

اول مدخلت الكلية 

كنت واخد عهد على نفسى انى مهما حصل مكلمش بنات ومدخلش فى سكة ولو حصل كلمت بنت هكلمها 

عشان اطلب منها رقم حد من اهلها عضان اتقدم رسمى 

ولكن للاسف 

بعد مرور اول ترمين تقريبا 

حصل انى اتعرفت على واحدة 

بمحض الصدفة بسبب انها كانت فى اتحاد الطلاب 

وكان ليها ملخصات باسمها 

فدخلت كلمتها برايڤت عشان اتناقش معاها فى نقطة معينة

هى كاتباها

وكان الكلام بصيغة رسمية جادة بدون اى نوع من الكلام المعسول 

اولا لانى مكنش اعرفها شخصيا ولا عمرى شوفتها وكنت بعتقد انها فى فرع اخر للجامعة غير الفرع الل انا فيه وثانيا 

وقبل كل شيء عارف ان اى طريقة غير الكلام بصورة جادة فهو مدخل من أبواب الشيطان الل هيؤدى للوقوع فى الحرام فيما بعد

المهم ان بعد مناقشتها فى النقطة الل كنت عاوزها فى اخر الكلام خالص لاقيتها بتقولى هو مش انت 

فلان الفلانى الل معانا فى فرع كذا ومقيد فى سكشن كذا قلتلها اه هو حضرتك تعرفينى قالتلى ايوا حتى بالامارة الاي دى بتاعك كذا 

وال GPA بتاعك كذا 

المهم استغربت وقتها انها طلعت عارفة كل دا عنى على الرغم عمر محصل بينا ال وكلام ولا كنت عنرى شوفتها 

المهم وقتها فضلنا نتكلم 

وخحرجنا برا سياق الموضوع الاساسي الل كنت داخل اتكلم فيه 

والكلام استكر اكتر من يوم لحد منشئ بينا نقدر نسميها علاقة صداقة 

بقينا نتكلم يوميا فى امور الدراسة ولكن بشكل مستطال 

حتى يطول الحديث بيننا 

المهم انه بعد كام يوم لقيتها سجلت رقمى وصورة البروفايل بتاع ظهرتلى 

ولما شوفت صورتها

اكتشفت انها واحدة كنت بشوفها من امتحانات الترم الاول 

وكانت بتلفت انتباهى 

بس كنت وقتها بحاول اغض بصرى واقول 

لاء 

وكدا وفعلا محاولتش من وقتها انى اعرف اسمها حتى او اعرف سكشنها لغاية محصل بينا الموقف اللخلانا نتعرف على بعض بعد حوالى ٥ شهور تقريبا 

ف

المهم انا لما شوفت صورتها جالى احساس مفرط بالسعادة 

انها نفس الشخص الل لفت نظرى من حوالى خمس شهور 

وللاسف مدرتش بنفسي غير بعد خمس ست شهور كلام بشكل يومى تقريبا 

لحد ماتعلقت بيها وبقيت بحبها

فعلا 

ونا زى مذكرت فى اول البوست انا عارف ان كل دا حرام 

ولازم ابعد 

لانواحنا كدا دخلنا فى اطار الحرام 

بس انا عاوزكم 

بجد تساعدونى انا عاوز ابعد عشان مش عاوز اكمل فى حاجة غلط وفى نفس الوقت بطريقة مجرحاش فيها 

ولا اذى نفسي فيها نفسيا لانى تعلقت بيها ومعنديش استعداد

اخسر فرصة انى ممكن اتقدملها فى يوم من الايام 

انا طبعا لو كان بمقدورى اتقدملها من اول يوم كنت عملت كدا وقطعت على نفسي 

ولكن لما حاولت اكلم مع والدى قبل كدا فى موضوع جوازى 

قالى مفيش اى كلام فى الجواز من اى واحدة اى كانت ظروفها

لحد منشوفلك شغلانة او كويسة او نفتحلك مشروع تعرف تجيب منه الجنيه عشان تعرف تصرف على بيتك بعد كدا 

فبتالى انا مش هبقى متاح انى اتقدم بعد كلام والدى 

الا على الاقل 

لما تكون عدت سنين الدراسة 

فنا عاوز طريقة مناسبة الله يكرمكم اقطع علاقتى بيها 

وفى نفس الوقت اعرفها انى معجب بيها ونى ناوى اتقدملها لما اخلص او فى اقرب فرصة ظروفي المادية تتحسن فيه 

بحيث انى اكون لا اكون كملت فى الحرام 

ولا اكون 

خسرت فرصة انى اتقدملها وكمل حياتى معاها قدام 

لانى فعلا كل مبتخيل حياتى من غيرها بتاذى نفسيا 

واسف جدا على الإطالة وشكرا لكل واحد خد من وقته وكمل فراية للاخر 

😞